Mae gwirodydd Lysh wedi eu gwneud gyda llaw ar fferm y teulu ym mherfedd Sir Drefaldwyn gan ddefnyddio ffrwythau o berllanoedd a chloddiau’r fferm. Sefydlwyd y cwmni yn 2004 fel menter arallgyferio i ddefnyddio’r ffrwythau dros ben . Ar y fferm mae’r pwyslais ar ansawdd y cynnyrch gyda’r ffrwythau yn cael eu casglu gyda llaw tra byddant ar eu mwyaf aeddfed. Mae hyn yn gwneud y gwirodydd yn rhai arbennig iawn.

Ers y dechrau mae cynaladwyedd wedi bod yn nod pwysig gyda’r holl ffrwythau wedi eu casglu o berllanoedd a chloddiau fferm Berthfawr. Ar ôl casglu’r ffrwythau a’u mwydo mewn jin am bedwar mis bydd yr hylif yn cael ei hidlo ddwywaith ac yna ei arllwys i boteli sgwar prydferth. Bydd y ffrwythau dros ben yn cael eu plannu er mwyn cael planhigion drain duon a damson newydd. Mae’r planhigion ifanc wedyn yn dod yn wrychoedd newydd fel rhan o’r cynllun amaeth-amgylcheddol Tir Gofal.