Mae’r damswn, Prunus insititia yn fath o blwmwn sydd ychydig yn llai na phlymsen cyffredin ond ddim cweit mor grwn. Blynyddoedd yn ôl roedd y rhan fwyaf o ffermydd Sir Drefaldwyn gyda pherllanoedd yn llawn o goed damson ond yn ystod y blynyddoedd diwethaf mae llai a llai o’r coed yma i’w gweld o gwmpas, o bosib oherwydd fod y coed yn rhai lled feddal ac felly’n cael eu colli mewn cyfnodau gwyntog. Mae llawer o berllanoedd hefyd heb reolaeth digonol arnynt gyda’r coed yn cael eu gadael i dyfu’n dal heb eu tocio gan eu gwneud yn fwy tebygol o ddal y gwynt. Yn ystod y gwanwyn mae’r coed damson gyda blodau gwynion persawrys ond mae rhew cynnar yn medru lladd y blodau gan olygu nad oes ffrwythau ar y coed, mae’n anodd felly darogan faint o ffrwythau fydd ar gael yn ystod yr hydref. Mae Gwirod Jin Damson Lysh yn gyfuniad o jin, damsons a siwgwr wedi eu gadael i stwytho mewn jariau ‘demijohn’ am bedwar mis. Ar ôl y cyfnod hynny bydd y gwirod wedi datblygu lliw cyfoethog rhyddcoch a bydd yn cael ei hidlo i boteli yn barod i’w yfed.